ENREDANDO

Bo Nadal!

2011-12-20T12:33:00.002+01:00

Aproveitade as vacacións para ler moito e descubrir algunha historia estupenda. Á volta, compartímolas!

Novo enlace para traballar as mates!

2011-10-25T13:03:00.002+02:00

Un dos compañeiros novos que chegaron este curso, Carlos S, recoméndanos este enlace para traballar as matemáticas. Botádelle unha ollada e xa nos contaredes. Déixovolo tamén no apartado de xogos.

Unha chea de cousas por facer!

2011-10-18T18:16:00.002+02:00

Estamos xa metidos en plena actividade na clase de Lingua Galega. Por un lado estamos a rematar os anuncios publicitarios da biblioteca Xanela, poñeremos os traballos no blogue en canto estean listos. Por outro, estamos en plena creación de contos de medo para o noso Samaín. E iso sen olvidar todo o traballo ordinario: fichas, actividades, lecturas...
Ademais, como xa sabedes, os martes, aproveitando que temos outra profe de apoio na clase, facemos dous grupos e mentres un deles vai á biblioteca para facer o préstamo dos libros o outro queda na clase e facemos unha actividade de expresión oral en galego. Está funcionando moi ben e penso que vos gusta moito ter a ocasión de falar nun grupo pequeno (9-10 rapaces e rapazas) sobre diferentes temas. Hoxe o debate deuse a partir dunha viñeta que vos presentei. As vosas opinións foron moi interesantes e como seguro que estivestes a pensar nisto logo de acabar, aquí vos deixo a imaxe. Por favor, facede comentarios expresando a vosa opinión ao respecto.

Empezamos de novo!

2011-09-19T13:29:00.002+02:00

Xa estamos no cole outra vez! Atrás deixamos o verán, as horas de praia... Pero vimos con forzas para este novo curso que nos espera. Xa sodes alumnas e alumnos de 6º e iso impresiona, a verdade, hai que ver que maiores!
Temos que dar a benvida a un novo compañeiro no grupo, Carlos, que esperamos se sinta xenial no seu novo cole.
Polo de agora máis nada, xa iremos vendo! Estade atentos!

Investigamos a Ana Mª Matute, premio Cervantes 2010

2011-04-27T20:19:00.002+02:00

O 23 de abril de cada ano, dende 1976, e coincidindo coa celebración do Día do Libro, fállase o Premio Cervantes. Este ano dito premio recoñece o labor literario de Ana Mª Matute, unha das nosas autoras máis prolíficas que ademais está considerada como unha mellores novelistas españolas da posguerra. Ana Mª Matute convértese na terceira muller en obter este galardón. Ten moitas novelas e contos que teñen aos nenos e nenas como protagonistas. Para máis información sobre ela, picade nos enlaces e disfrutade destes vídeos. Neste enlace podedes tamén ler con calma o texto íntegro do seu discurso na entrega do premio.

enlace á reportaxe na TVE
Na clase faremos un pequeno traballo de investigación sobre ela que teredes presentar en formato papel tal como explicaremos na clase.

Vai de falar...

2011-03-16T13:27:00.002+01:00

Xa estamos metidos de cheo noutra actividade. Estes días andamos a preparar unha exposición oral. O tema seremos nós mesmos! Para axudarnos na nosa presentación utilizaremos as TIC´s (Tecnoloxías da información e Comunicación). Todos os rapaces e rapazas da clase andan na procura de imaxes que falen deles mesmos: da súa vida, dos seus desexos, das súas inquedanzas... Cando as teñades listas tedes que montar unha pequena presentación de diapositivas para a que podedes utilizar o powerpoint ou o openoffice.impress tal como vimos na aula.

Recordade que a exposición ten que ser en galego e durar entre 4-6 minutos. Practicade na casa!

Tamén é unha boa ocasión para que os pais e nais, avós, tíos, etc, pasedes un tempiño compartindo recordos, risas e traballo. Axudade aos vosos fillos a seleccionar as imaxes e a preparar o que poden contar, seguro que disfrutaredes!

E ollo!! O luns empezamos coas presentacións!

Imos de Entroido!

2011-03-01T09:23:00.005+01:00

Xa chega o tempo das máscaras, dos choqueiros, dos peliqueiros, dos cigarróns... Na Coruña, en Laza, en Verín... En toda Galiza se respira xa o ambiente de festa! Pero o entroido é moito máis ca iso, ten a súa historia, e iso é o que imos aprender e investigar estes días na aula, aprender do pasado para mellorar o noso presente, o noso futuro.

Para facelo imos utilizar unha "caza do tesouro" elaborada polo CEIP Mestres Goldar de Vigo, "O entroido tradicional galego". Tomade boa conta das instruccións!

Cando rematedes podedes comprobar o que aprendestes no seguinte cuestionario en liña.

Nota para as familias: o traballo de investigación estase a facer na clase. Á volta das vacacións de Entroido teñen que traer o traballo rematado tal como se lles explicou.

ÁNIMO!

A auga dos bosquimanos

2011-02-10T13:23:00.004+01:00

Como podedes ver nesta noticia de hai uns días, o problema da auga non é cousa do pasado, mirade o que lles pasa aos bosquimanos. Lédea con atención, tamén a traballaremos na aula.

O proxecto da biblio

2011-01-19T20:08:00.004+01:00

Estes días estamos empezando a traballar no proxecto da biblioteca do noso cole. Xa sabedes que o tema é a auga. Na nosa clase traballaremos "A auga na literatura". Polo de agora estamos na procura de substantivos, adxectivos e verbos que teñan relación coa palabra "auga". Xa temos unha morea deles. Proximamente veremos de facer unha wiki con todo o traballo. Polo de agora tedes que ir buscando máis palabras e tamén todos aqueles poemas e contos nos que se fale da auga.
A semana que vén conmemórase tamén o Día Internacional da Paz e Non-Violencia e relacionándoo co tema do proxecto traballaremos o conflicto da auga no mundo. Non todos os países nin zonas xeográficas teñen a mesma sorte en canto ao reparto deste ben tan preciado. Neste enlace podedes ver as dificultades que teñen algúns pobos para acceder á auga potable
Polo de agora... Qué vos parecen as actividades que estamos a facer? Tedes algunha idea? Deixade os vosos comentarios.
Para empezar podemos ver este vídeo:

Bo Nadal!

2010-12-22T13:01:00.003+01:00

Disfrutade destes días e collede moitas forzas para o ano que entra. Teremos moito que facer! Aquí vos deixo a felicitación de Nadal do centro, a imaxe é a postal gañadora de Educación Infantil de 5 anos, feita por Sofía Sanmiguel. A montaxe é grazas á profe Ana, da mesma clase.

Luces, cámara... Acción!!!

2010-11-30T17:54:00.003+01:00

Aquí tedes as fotos do día da reportaxe para televisión. Foi unha boa experiencia. Tivemos na aula a Xan Leira, director da canle de TV por internet linguagalega.tv, e o cámara David (sinto non recordar o apelido). Fixeron unha reportaxe sobre cómo traballamos as TIC (Tecnoloxías da información e a comunicación) na aula. Tamén falamos do premio conseguido polos alumnos e alumnas do curso pasado coa súa wiki sobre a contorna da Torre de Hércules.
Deixade os vosos comentarios sobre a actividade!

Por fin... Os premios!

2010-11-26T10:45:00.000+01:00

Unha ocasión estupenda para reunirmos de novo. O grupo de alumnos e alumnas premiado na pasada edición do Certame Educared A Navegar estivo no cole para recoller os seus premios. Foi unha xuntanza cariñosa e alegre como ben podedes ver nas fotos. Cada alumno levou un tablet PC e un diploma acreditativo da súa participación no Certame.
Noraboa a todos de novo! E xa sabedes, cando queirades... Aquí nos tedes!

25 DE NOVEMBRO. DÍA INTERNACIONAL CONTRA A VIOLENCIA DE XÉNERO

2010-11-25T19:45:00.000+01:00

Hoxe, 25 de novembro, é o Día Internacional contra a Violencia de Xénero. Esta data foi aprobada pola Asemblea Xeral das Nacións Unidas en 1999 a proposta da República Dominicana co apoio de sesenta países. O motivo que levou á República Dominicana a propoñer este día foi o terrible asasinato das irmás Mirabal que tivo lugar o 25 de novembro de 1960 por orde do dictador dominicano Trujillo.
Actualmente son moitas as mulleres que sofren violencia de xénero e moitas acaban mortas. Non hai máis que ver a prensa, a televisión ou a radio para comprobar que é un problema real e grave. Todos e todas temos a obriga de facer o posible para erradicar este cancro da sociedade. Un primeiro paso é facermos conscientes do problema e para iso nada mellor que estar informados. Enreda polos enlaces (a imaxe do lazo e as palabras subliñadas) e atoparás moitos datos.

Charla sobre a natureza.

2010-11-17T13:45:00.003+01:00

Esta mañá estivo Miguel López na nosa clase para falarnos da natureza en Galicia. Miguel é o pai do alumno da clase do mesmo nome. Foi unha sesión que durou hora e media pero no por iso decaeu o interese da clase. Miguel falounos da paisaxe de Galicia, de cómo vivimos nun sitio moi especial e moi valorado en todo o mundo. Tamén de cómo a man humana modifica esa paisaxe. Aprendimos unha chea de cousas sobre a vexetación e a fauna da nosa terra. Incluso vimos cómo algunhas especies de flora que están en perigo de extinción en Europa, sobreviven en abundancia aquí.
Os nenos e nenas amosáronse moi interesados en todo o que nos contou e como había moitas máis cousas das que falar quedamos en celebrar outra xuntanza semellante.
Moitísimas grazas, Miguel, por compartir os teus coñecementos con nós!

Taller de mecanografía para nenos e nenas

2010-11-11T20:07:00.002+01:00

Moitas veces temos falado da importancia que ten que aprendades a "teclear con todos os dedos" no ordenador. Moitas veces tamén o imos deixando e, a pesar de que temos programas instalados nos ordenadores do cole para practicar, non os utilizamos por preguiza ou falta de tempo.
Agora Ciberalia nos presenta unha oportunidade estupenda cun curso especialmente deseñado para nenos e nenas de 10 a 12 anos. Ciberalia é unha aula da Caixa Galicia que está na avenida Finisterre, adicada á formación en novas tecnoloxías. É certo que pilla un pouco lonxe do noso barrio pero penso que paga a pena. Faládeo cos vosos maiores a ver se se animan! E ten un custo moi económico!

APRENDENDO A NAVEGAR

2010-11-02T21:38:00.003+01:00

Sempre que falamos das novas tecnoloxías (no tan novas xa), especialmente de internet, todos os pais e nais expoñen os seus medos a que os seus fillos manexen contidos non axeitados ou non saiban cómo comportarse neste medio. Como sempre o máis importante é o diálogo cos nenos e nenas para que saiban manexar esta ferramenta. Non serve de nada prohibir, o que temos que facer é educar no bo uso.

Atopei este blogue grazas ás compañeiras de Bibliotecas Municipais, Menores en red. Atoparemos consellos moi útiles e algúns instrumentos que poden servir de base para unha boa charla cos nosos rapaces e rapazas.

Xa recollimos o premio!

2010-10-19T21:30:00.001+02:00

O pasado venres estiven en Madrid, invitada pola Fundación Telefónica para recoller o premio do XI Certame Educared. Recordade que un grupo de alumnos e alumnas de 6º do curso pasado elaboraron unha wiki sobre a contorna da Torre de Hércules pola que obtiveron o segundo premio do Certame.

O venres os docentes galardonados asistimos a varias sesións de formación sobre o uso de novas tecnoloxías e tamén participamos na gala de entrega de premios.

Hoxe sae a noticia tanto na Voz de Galicia como na Opinión de A Coruña. Picade nas imaxes para lelas.

Aquí vos deixo tamén o vídeo de presentación da gala,

Outros materiais (fotos, montaxes...) compartidos por asistentes á gala:
presentación collage
fotos
Máis fotos

UNHA NOVA ETAPA!

2010-09-20T12:47:00.003+02:00

Uns rematan e outros comezan...

En xuño despedimos aos alumnos e alumnas de 6º, cos que se iniciou este blog. Houbo moitas lágrimas, non querían marchar! Pero tamén houbo moita alegría porque, entre outras cousas, marcharon coa noticia de ter gañado o 2º premio do Certame Internacional Educared no que participamos coa wiki "A contorna da Torre de Hércules".

Agora en setembro iniciamos nova andadura cun novo grupo, os rapaces e rapazas de 5º, todos eles con moitas ganas de aprender, de ler, de coñecer... De enredar!

Aquí os tedes para que os vaiades coñecendo.

CERTAME EDUCARED A NAVEGAR

2010-04-14T13:53:00.003+02:00

Logo do éxito do curso pasado na edición do Certame Educared este ano non podíamos quedar sen concursar. Recordades a nosa wiki Xanelas? Canto deu que falar!
Este ano voltamos participar na modalidade de wiki. O tema será "A contorna da Torre de Hércules", xa que éste é o proxecto que estamos a traballar a través da nosa biblioteca escolar. Os nenos e nenas que configuran o equipo de traballo son David, Sara, Silvia, Rebeca, Dailin e Andrea Vázquez de 6º curso. Moitos ánimos para todos eles!

Novidades no blogue

2010-03-15T13:13:00.004+01:00

Temos un apartado novo no noso blogue: un blogue auxiliar! Si, si, lestes ben, un blogue auxiliar. Neste novo espacio iremos "colgando" todos aqueles traballos dixitais que facedes na aula para que todos os poidamos ver. Chámase "Os nosos traballos". Tedes o enlace na barra da dereita e tamén no blogue da bibliteca.
Idea vista no "Blog de aula de Luis"

Máis sobre Elisa e Marcela

2010-03-14T21:06:00.000+01:00

Mirade qué casualidade! No dominical de El País hai unha reportaxe sobre a historia de Elisa e Marcela que nós estamos investigando esta semana. Haberá algunha información nova que non souberamos? Botade unha ollada.

O VAGALUME DA TORRE

2010-03-12T20:50:00.004+01:00

Hoxe celebrouse na Casa dos Peixes o acto de clausura do proxecto "O Vagalume da Torre". Alá nos fomos todos para disfrutar cunha chea de compañeiros. Vimos as torres que fixeron os demais colexios, cantas cores! Tamén disfrutamos da música e construímos entre todos, alí mesmo, outra torre símbolo do noso compromiso con ela. Os encargados de ler o manifesto foron un neno e unha nena do noso cole, Andrea Vázquez e Marcos, que estaban un pouquiño nerviosos pero o fixeron estupendamente. Queremos agradecer dende aquí a María Castelo, directora da Escola Obradoiro da Contorna da Torre de Hércules, a Raúl Velloso e a Mario que contaran con nós para esta actividade tan divertida e que tanto nos une ao noso contorno máis cercano.

Elisa e Marcela

2010-03-09T19:53:00.002+01:00

Con motivo do Día Internacional da Muller Traballadora, e relacionado co proxecto de biblioteca o noso centro decidiu investigar varias mulleres coruñesas que tiveran relevancia ao longo da historia. Cada aula escolleu unha muller e... Nesas andamos!
Na nosa clase enterámonos dunha historia que chamou a nosa atención e alá fomos. Trátase da historia de Elisa e Marcela, dúas mulleres que aló polo ano 1901 decidiron casar. Foi o primeiro matrimonio homosexual do que se ten noticia e non lles foi doado. Se queredes saber máis picade nos enlaces.

XI Certame Educared A Navegar

2010-02-24T21:38:00.002+01:00

Xa saiu a convocatoria do Certame Educared no que concursamos o curso pasado e obtivemos o 2º premio na categoría de wikis pola nosa "Xanela". Ide pensando temas para incluír nos nosos traballos! Ou é que non queredes participar? Xa me iredes dicindo porque a vosa ilusión é fundamental para este proxecto que tantas gratificacións nos deu estes últimos meses.
Con motivo da convocatoria entrevistáronme para Radio 5, no programa 5.0 que se emitiu onte á noite. Aquí vos deixo o enlace. A entrevista comeza no minuto 20:45 aproximadamente.

Entrevistamos a Enrique Dans por su nuevo libro "Todo va a cambiar" (5.0)

NOVO BLOGUE!

2010-02-09T21:16:00.004+01:00

Elena Bauluz, profe de Educación Física no CEIP de Sigrás, lanza este novo blogue sobre "Cousas de Educación Física" para ir ilustrando todo o que fai nas súas clases. Seguro que lle sacades partido!

O vagalume da torre!

2010-02-08T09:29:00.004+01:00

A escola-obradoiro da contorna da Torre de Hércules, a través da Concellaría de Turismo e Emprego, propúxonos unha nova actividade: "O vagalume da torre". Participan sete centros da cidade de A Coruña e está destinada ao alumnado de 6º curso. Nós apuntámonos encantados xa que está moi relacionado co tema que estamos a traballar para o proxecto da biblioteca.
A idea principal é coñecer a importancia da Torre na nosa cidade... Que pasaría se a torre desaparecese?
O vernes tivemos a primeira sesión. HOubo tres obradoiros: no primeiro tiñamos que pintar unha gran torre de Hércules baixo a dirección do pintor Raúl Velloso, no segundo faciamos unhas postais para enviar a un concurso e no terceiro, finalmente, participabamos nun blogue que a organización creou, O vagalume da torre. Non vos perdades os comentarios dos nenos neste último.
A actividade desenvolveuse estupendamente e todos os nenos e nenas disfrutaron moito dos diferentes obradoiros. Aínda nos queda outra sesión pero o gran día será o 12 de marzo cando se xunten todas as obras na Casa dos Peixes.

VISITA Á BIBLIOTECA

2010-02-02T14:04:00.003+01:00

Esta mañá estivemos na Biblioteca Municipal. Fomos para conseguir o noso carné de exploradores da información. Xa antes na clase estiveramos aprendendo unha chea de cousas sobre cómo están organizados os libros nas bibliotecas. Aprendimos que o sistema de organización chámase Clasificación Decimal Universal (CDU) e que esta divide os libros en diferentes categorías segundo o tema do que traten. Tamén aprendimos a consultar o catálogo en rede das Bibliotecas Municipais e participamos coas bibliotecarias nunha serie de actividades moi divertidas.
Para rematar trouxemos un libro cada un para o cole gracias ao préstamo de aula.
Unha xornada estupenda!

REPORTAXE NA TVG

2010-01-30T18:49:00.004+01:00

Hoxe emitiuse a reportaxe que a TVG gravou esta semana no noso cole con motivo da entrega de premios do Certame Educared A Navegar. Os nenos e nenas da clase falan sobre as súas sensacións cando fomos recoller o premio a Madrid e explican cómo utilizan as TIC´s no seu día a día na aula.

CANTAMOS EN GALEGO

2010-01-29T11:17:00.003+01:00

O noso centro tivo a sorte e o privilexio de poder contar coa visita do grupo Cántigas de Terra que leva máis de 90 anos mantendo viva a tradición musical da nosa Galicia. Onte trouxéronnos un cachiño do seu traballo e a verdade é que nos deixaron con ganas de máis.
Participou nesta actividade o alumnado de 3º ciclo, 5º e 6º, e non só tivemos ocasión de escoitar as súas marabillosas voces, aturuxos incluídos!, senón que ademais compartiron con nós unha chea de información ao redor da súa música: faláronnos dos diferentes instrumentos (tamboril, pandeiro, gaita...), da historia das cancións, das diferentes estructuras musicais (maneo, alalá, pandeirada e foliada), ensináronnos vocabulario (galéon, pana, traíña, carneiros...), contáronnos de onde viñan as letras... Ata de pintura nos falaron! Todo cunha paciencia e un trato exquisito a todos os nenos que disfrutaron un montón tamén cantando todas estas pezas que datan dos primeiros anos do século XX e que forman parte do arquivo do grupo.
Esta actividade estase a desenvolver grazas á iniciativa do grupo Cántigas da Terra e a Concellaría de Normalización Lingüística de A Coruña.
E a vós, rapaciños... Que vos pareceu?

ENTREGA DE PREMIOS

2009-12-11T18:05:00.004+01:00

Onte pasamos o día en Madrid, tal como xa vos anunciaramos. Fomos á entrega de premios do X Certame Educared A Navegar da Fundación Telefónica para recoller o segundo premio na categoría II da modalidade "wiki", pola xa tan nosa "Xanelas". Foi un día moi longo pero que se nos fixo moi curto. Compartímolo con outros 78 equipos de traballo que tamén obtiveran algún premio nalgunha das diferentes categorías, seleccionados entre os máis de 800 equipos de traballo presentados ao certame. O noso foi o único grupo de alumnos galegos premiado (había tamén tres mestres doutros puntos de Galicia premiados na categoría de "Experiencias didácticas") así que nos sentimos moi orgullosos de poder representar ao noso centro entre tantos outros que alí había de diferentes puntos de España.
Alejandro, Andrea Castro, Andrea Villa, Brais, Marieta e Zineb (a nosa wiki-rapazada) e eu mesma sentímonos moi felices de ter vivido esta experiencia na que compartimos tantas cousas. Tamén agradecemos moito o apoio mostrado por todos os compañeiros e profes do cole.
Desde aquí, ademais, queremos agradecer o apoio que tivemos en todo momento da oficina do certame en A Coruña, tanto para aspectos técnicos como humanos.
Aquí vos deixo a reportaxe. Tamén podedes entrar aquí e ver un par de fotos publicadas na páxina de telefónica.

Marchamos a Madrid!

2009-12-09T15:58:00.007+01:00

Mañá, xoves, 10 de decembro, marchamos a Madrid para asistir á entrega de premios do X Certame Educared A Navegar da Fundación Telefónica no que obtivemos o segundo premio na categoría de wikis con Xanelas. Sairemos ás 8:35 da mañá en avión... Si, si, lestes ben, en avión! Para algúns do grupo será a primeira vez que utilicen este medio de transporte así que vos podedes imaxinar, entre iso, a emoción do premio, os nervios da viaxe... Estamos que non cabemos en nós!
Á volta contarémosvos cómo nos foi. Regresaremos no avión das 9:35.
POr certo, podedes ver as fotos do contacontos do outro día no blog da biblio, Xanela.

Presentacións con openoffice

2009-11-29T21:11:00.003+01:00

Estes días estamos traballando coas presentacións de diapositivas nas clases. Na aula estamos utilizando o powerpoint que é de microsoft pero moitos de vós na casa ( e tamén nalgúns ordenadores do cole) tedes o impress de openoffice. Aquí tedes un sinxelo titorial para aprender a utilizalo.

Día dos dereitos da infancia

2009-11-20T17:28:00.003+01:00

Vaia sorpresa! Entro en Enredando coa idea de facer unha entrada sobre este tema e resulta que teño un correo de Andrea Castro invitándome a entrar no seu blogue, "Tic, tac, toc". Vou e... Atopo o traballo feito! Así dá gusto!
Esta mañá, na clase de galego, estivemos vendo un vídeo (nas entradas antigas de Enredando) e lendo un texto sobre os dereitos dos meniños e meniñas. Pois Andrea xa se adiantou e puxo todo no seu blogue. Só tedes que ir alí e ler toda a información.
Para ver o enlace do curso pasado, podedes ir a "etiquetas" na barra da dereita deste blogue e picar sobre "nenos" ou "dereitos", tal como explicamos na clase.

Enquisa sobre a utilización dos medios

2009-11-12T20:04:00.003+01:00

Esta maña tivemos algo especial no cole e quero felicitarvos polo voso excelente comportamento durante a actividade. Alba e Miguel, traballando para a Universidade de Vigo, viñeron facer unha enquisa sobre a utilización que facemos dos medios audiovisuais. Están facendo a enquisa en moitos coles da cidade e agora comezarán con algún dos arredores. A verdade é que a actividade nos veu moi ben porque era un tema que xa traballaramos hai unhas semanas na aula e xa de aquela viramos que pasabamos demasiadas horas diante do televisor, por poñer un exemplo, e o que é peor, dándonos igual o que poñan, ver a televisión por aburrimento. Non se nos ocorrerán mellores cousas en que empregar o tempo? É posible outra forma de ver a televisión? Aportade as vosas ideas, por favor.
En canto á enquisa esperamos ver os resultados!

Blogue en inglés

2009-11-10T21:36:00.004+01:00

Unha profe de inglés, Luz Pérez, do CEIP Ponte dos Brozos de Arteixo ten un blogue moi interesante para traballar cos seus alumnos. Penso que vos poden ser útiles moitos dos seus enlaces ademais de que poderedes practicar a lectura nesa lingua. Aquí tedes o enlace.

Día do Peón

2009-11-05T10:25:00.003+01:00

O vindeiro 11 de novembro celebraremos no cole o Día do Peón. Recordades o ben que o pasamos o ano pasado? Para que vos vaiades poñendo en situación aquí vos deixo este enlace. Non vos perdades o vídeo sobre a elaboración do peón, é moi interesante.

O son da chuvia

2009-11-03T17:00:00.004+01:00

Nestes días de outono, que aínda que preguiceiro vai chegando, dá gustiño quedar na casa e escoitar o son da chuvia petando nas ventás. Xa... Xa sei que aínda non chove moito!! Pois disfrutade deste vídeo. Se pechades os ollos e escoitades tal parece que caen chuzos! Pero mirádelo tamén outra vez cos ollos ben abertos porque é unha marabilla.

A nosa clase no Samhaín!

2009-10-30T22:40:00.003+01:00

Aquí vos queda unha fotiño da visita á exposición de cabazas. Para máis información sobre o día podedes ir ao blogue da biblioteca, Xanela.

O preguntoiro

2009-10-29T19:54:00.001+01:00

Unha páxina onde podedes comprobar cantas cousas sabedes sobre unha chea de temas. Xa me contaredes cómo vos vai.

Practicamos coa lingua castelá

2009-10-27T19:22:00.002+01:00

Moito falamos na clase sobre cómo se escribe isto ou o outro, que se con "v" ou con "b", que se en galego é dun xeito e en castelán doutro, que agora unha palabra significa unha cousa e logo outra... Aquí tedes un enlace a unha páxina de actividades para practicar a lingua castelá, sobre todo o vocabulario. Non olvidedes deixar un comentario sobre qué vos pareceu.
Tamén volo poño na barra de navegación da dereita.

A historia do galego

2009-10-13T16:45:00.008+02:00

Xa sabedes que estes días estivemos falando da orixe da lingua galega. Fixestes moitas preguntas sobre cómo empezou, onde, cómo foi evolucionando... Aquí vos deixo un enlace onde unha nena, Rosalía, vainos guiando e explicando unha morea de cousas; só tedes que picar na imaxe. Lede con atención e fixádevos tamén nas posibilidades que ofrece a páxina: índice, "para saberes máis", etc. Ao mesmo tempo que ledes, se tedes algunha dúbida, podedes tomar nota nun "google docs" e logo facemos unha posta en común. Tamén vos agradecería que deixárades comentarios sobre qué vos parece o enlace, se dá información clara, se vos resulta complicado...

"Xanelas", 2º premio estatal

2009-10-05T19:48:00.009+02:00

Cun pouco de retraso poñemos en marcha novamente o blog pero iso si, cunha moi boa noticia: Xanelas, a wiki que elaboramos o curso pasado para o concurso "A navegar" da Fundación Telefónica levou o 2º PREMIO ESTATAL!!! Parabéns ao grupo de alumnos e alumnas participantes! Aquí vos deixo o enlace de novo, para que refresquedes a memoria. Agora temos que seguir traballando no proxecto e sacarlle todo o partido posible. Estamos á espera de que nos notifiquen cando e onde será a entrega de premios.

Final de curso!

2009-06-24T20:30:00.002+02:00

Pero que inactivo que estivo o noso blog este último mes! A cousa é que foron pasando os días sen que nos decatásemos: ensaios, excursións,traballos para a revista do cole, papeleos,rematar cousiñas da biblioteca, probas finais... Cantas horas, cantas tardes viñestes ao colexio para colaborar! Por iso tedes ben merecido o descanso. Disfrutade deste verán que comeza, collede moitas forzas... Que en nada estamos de volta! Entre praia e praia non olvidedes que unha boa lectura fai marabillas. Feliz verán a tod@s!

Xa temos podcast!

2009-06-02T22:43:00.005+02:00

Xa tiñamos ganas de ter un reproductor de arquivos de son no noso blog. Comezamos coa selección de poemas que fixemos para recitar no Festival das Letras Galegas. Todos teñen unha temática común: a emigración. Non volos perdades!

O reproductor está na barra de navegación lateral, podedes movervos polos arquivos coa barra de desprazamento ou coas flechas da parte superior.

O traballo da wiki-rapazada!

2009-06-01T21:42:00.005+02:00

Déixovos o enlace á wiki que elaborou un equipo de alumnos e alumnas da clase. Eles son: Alex,Andrea Castro, Andrea Villa, Brais, Marieta e Zineb. Traballaron moito e moi ben así que botádelle unha ollada.

Novo blog no noso cole!

2009-05-26T15:58:00.003+02:00

A biblioteca do noso cole, Xanela, estrea blog. Lusca, a súa mascota, empeza a facer das súas. Veremos que nos ten preparado!

Os nosos traballos

2009-05-25T14:08:00.003+02:00

Aínda que xa hai varias semanas que Isabel Freire estivo no noso cole e que limos o seu libro "Sopa de marsopa", seguro que vos apetece ver aquí os murais que fixestes ao redor da lectura.

Benedetti, o poeta do amor; o poeta do compromiso

2009-05-18T14:58:00.003+02:00

Onte pola tarde faleceu, na súa casa de Montevideo (Uruguai), Mario Benedetti, aos 88 anos. Coa súa morte perdemos un dos grandes da literatura. Foron moitos os poemas, contos, ensaios cos que nos agasallou nos máis de 80 libros que escribiu ao longo da súa vida. Déixovos aquí un poema seu:
Chau número tres

Te dejo con tu vida
tu trabajo
tu gente
con tus puestas de sol
y tus amaneceres.

Sembrando tu confianza
te dejo junto al mundo
derrotando imposibles
segura sin seguro.

Te dejo frente al mar
descifrándote sola
sin mi pregunta a ciegas
sin mi respuesta rota.

Te dejo sin mis dudas
pobres y malheridas
sin mis inmadureces
sin mi veteranía.

Pero tampoco creas
a pie juntillas todo
no creas nunca creas
este falso abandono.

Estaré donde menos
lo esperes
por ejemplo
en un árbol añoso
de oscuros cabeceos.

Estaré en un lejano
horizonte sin horas
en la huella del tacto
en tu sombra y mi sombra.

Estaré repartido
en cuatro o cinco pibes
de esos que vos mirás
y enseguida te siguen.

Y ojalá pueda estar
de tu sueño en la red
esperando tus ojos
y mirándote.

Letras Galegas 2009

2009-05-10T19:51:00.003+02:00

O vindeiro domingo, 17 de maio, é o Día das Letras Galegas. Vense celebrando dende 1963 e dende entón foron moitos os autores e autoras homenaxeados. Este ano dedícase a Ramón PIñeiro, unha figura histórica do galeguismo do século XX. Na clase iremos iremos investigando a súa biografía. Para empezar a coñecelo, enredade polos enlaces. Tamén podedes consultar a webquest elaborada pola Biblioteca Escolar de Malpica. Ánimo, que seguro que aprendemos unha chea de cousas interesantes. Este vídeo pode ser un bo comezo.

O Sanjurjo na TVG

2009-05-06T09:53:00.002+02:00

A reportaxe que fixo a TVG no noso cole foi emitida o martes mentres nós estabamos na clase. Aquí tedes o enlace para poder velo con calma.

Creando wikis!

2009-05-04T22:21:00.003+02:00

Xa sabedes que un grupo de alumn@s da clase participan nun concurso da Fundación Telefónica, "A navegar". A idea é crear unha wiki sobre as lecturas que fan habitualmente, os seus autores, ilustradores... Para aprendermos un pouquiño sobre este tema, teremos que enredar polos enlaces e botar unha ollada a este vídeo. Adiante!

Vaia día!!

2009-04-30T17:40:00.006+02:00

Hoxe foi un día moi especial no noso cole. A emoción respirábase no ambiente... Ás doce estaba prevista a visita do Alcalde de A Coruña, Don Javier Losada. Viña inaugurar as obras do futuro patio cuberto pero tamén, e non menos importante, para que lle presentásemos a nosa biblioteca, "Xanela" e a súa mascota, Lusca, unha visión libre da coruñesa Torre de Hércules. Recibírono as clases de 5º e 6º que lle leron unha carta de benvida. Na hora que estivo con nós tivo tempo de falar con moitos dos alumnos e alumnas de varios cursos xa que fixemos unha visita polas instalacións. Algúns dos pequenos non o podían crer! Esta noite, ás 21:30 horas podedes ver a reportaxe en Localia. Por certo, logo de presentarlle ao alcalde o noso blog, el tamén nos falou do seu, Blog de Javier Losada

Pero o día non acabou aquí. A continuación, estaba prevista a visita do escritor Fran Alonso, autor do libro "Cidades" que estivemos lendo na clase. Fran leunos moitos dos seus poemas e admirou os traballos que fixeramos ao redor do seu libro. Coma sempre, todos fixeron unha chea de preguntas pero quedaron moitas máis no tinteiro!

Nota: a reportaxe da TVG está prevista para o martes, 5 de maio. Ás 12:30 emitirán un avance e ás 13:20 a reportaxe completa. No programa "A revista". Avisade na casa!

Un agasallo!!

2009-04-26T21:08:00.004+02:00

Esta semana recibimos un agasallo dende o blog "Xogos populares", do CEIP Manuel Masdías, o premio "Olha que blog Maneiro". Agradecemos esta mención e poñemonos mans á obra, temos que indicar e seguir as normas do premio que son as seguintes:

Dicir o nome do blog que enviou o premio

Exhibir a imaxe do premio
Indicar os teus dez blogs.
Avisar aos indicados.
Publicar as reglas.
Comprobar que os blogs indicados sigan as reglas.

Nós pasamos o premio a:
Pasiño a pasiño
O blog de aula de Luís
Besbello Tic
Facemos música
Tictictic
La clase de 5ºA
Ensino en galego
bicarelo
Digochoeu!
Pasa páxina

Grazas de novo!

POESÍA, POESÍA,POESÍA!

2009-04-20T22:33:00.005+02:00

Este trimestre imos falar de poesía. Empezamos polo libro "Cidades". O seu autor, Fran Alonso, ofrécenos...

5 MOTIVOS PARA LER POESÍA

A poesía non morde, non fai dano e, aínda que haxa quen pense o contrario, non é aburrida, nin romanticona, nin cursi, nin difícil. E hai moitos tipos de poesía para que elixamos.
A poesía serve para ler, cantar, berrar, recitar, musicar, rapear, declararse, rebelarse contra o mundo ou unicamente para falar suave á orella. Tamén é un somnífero para durmir ben, unha pastilla sen química que mellora a saúde e o benestar, e relaxa ás persoas. E serve, sobre todo, para explicar as razóns e as emocións que non veñen no dicionario.
Os poemas son como caixas de ferramentas, valen para todo: para sentilos, manosealos, lelos, cerralos, gardalos nun armario, ensucialos, para ligar, poñelos enriba da cabeza, penduralos na parede, limpalos, recortalos, reescribilos, merendalos nun bocadillo de papel, ordenalos, metelos na neveira, e lelos coa cabeza máis fría, ou deixalos sobre a cama para devoralos á noite, clandestinamente, cando todos se deitaron. Ademais, a poesía cura enfermidades como a impaciencia, os nervios, os pés planos, os enfados, a dor de cabeza, as feridas imprevistas, as dores de amor, as indixestións, a ansiedade e algunhas gripes.
A poesía está nas cousas que nos rodean a diario, na música, na amizade, no supermercado, na risa, na moto, no váter, na esperanza, na rutina, nas cousas persoais, no calexón sen saída, no mar contaminado, na tristura, no teu barrio, no ceo cuberto, no ordenador, nun berro, na paisaxe, na conversa e nas rúas. Onde ti queiras.
O importante da poesía non é obsesionarte por descifrala senón saber gozala, sentila e intuíla. Na poesía reconforta sentir o seu ritmo, a súa música, a súa sonoridade, os xogos de palabras que por veces nos deslumbran, as imaxes fascinantes que nos ofrece. E tamén os seus enigmas. Poetizarse. En fin, facer da poesía un pracer.

E vós... Qué pensades?

Outro blog dende a nosa aula!

2009-04-18T10:42:00.007+02:00

Agora é Alex o que nos presenta o seu novo blog. Alex foi dos primeiros da clase en meterse nisto da creación de blogs pero estivo facendo varias probas antes de dalo a coñecer. Agora tráenos "Aprende ben" e xa o seu título di moito das súas intencións. Parabéns, Alex!

E chegou o día... Con Isabel Freire!

2009-04-03T19:52:00.004+02:00

Esta mañá todo eran nervios... Era o día previsto para a visita de Isabel Freire. As horas previas á súa chegada foron trepidantes: poñer os últimos carteis, ver que todo estivera no seu sitio, comprobar que tiñamos todos os libros para que os asinara, encuadernar o libro de relatos... En fin, unha chea de cousas por facer! E por fin chegou a hora. Penso que todos disfrutamos da dozura e do bo falar de Isabel; conversamos sobre a súa obra, as súas lecturas, as nosas, a amizade, o noso futuro... Ademais era o primeiro acto oficial na nosa nova biblioteca e penso que non disgustou a ninguén, xa nos contaredes. Isabel, con paciencia infinita, contestou todas as nosas preguntas, asinou todos os libros (tamén os da Biblioteca) e deixounos un cariñoso recordo no libro de visitas que hoxe estreabamos. Moitas grazas, Isabel e moitas grazas tamén a Darío, de Xerais, por argallar a xuntanza.
Ao rematar, a tristeza de pechar unha actividade, un ciclo... Foron moitas semanas traballando neste libro de Isabel e xa se fixera un pouco noso... Pero non vos preocupedes, collede forzas nas vacacións porque á volta nos esperan moitas sorpresas! Mentres tanto, recordade o momento vendo as fotos. Felices vacacións a tod@s!

Feliz aniversario, Andrea e Miguel!

2009-04-02T12:42:00.003+02:00

Onte estivo de aniversario Andrea, cumpría 11 anos; e hoxe está Miguel, que cumpre 12. E aquí tedes unha foto de todos nós preparados para traballar na aula, a piques de crear un montón de aventuras do detective Bilbo Bons, personaxe do libro de Isabel Freire.

Parabéns, Andrea e Miguel!

Eu falo, ti falas... Tod@s falamos!

2009-03-28T13:03:00.003+01:00

Onte, venres, na clase de 5º, non se fixo outra cousa máis que falar e falar, e falouse de moitísimos temas, tantos como nenos e nenas hai na clase. Cada un deles tiña que falar durante cinco minutos diante de todos os seus compañeir@s sobre un tema escollido libremente, que nervios!
Aínda que todos sabiamos que era para avaliar a capacidade de expresión oral, pouco a pouco a tensión foi dando paso á satisfacción de escoitarnos os uns aos outros e penso que realmente tod@s disfrutamos coa actividade. Os temas foron moi variados: Viaxes, Astronomía, baile, fútbol, racismo, países, música, lendas, fenómenos paranormais... Aquí vos deixo unhas fotos do momento aínda que non hai moitas xa que se me olvidaba facelas pola emoción de escoitarvos. Fixéstelo estupendamente, chic@s, parabéns a tod@s!

Un novo recurso para aprender xogando

2009-03-23T19:07:00.002+01:00

Enredando, enredando... Atopei esta páxina con xogos educativos. Ten un pouco de todo e seguro que vos apetece enredar nela. Xa me contaredes!

O principiño, un clásico

2009-03-21T18:14:00.000+01:00

Este marabilloso libro, "Le petit prince" no seu idioma orixinal, foi publicado en 1943. O seu autor foi Antoine de Saint-Exupéry. O principiño vive no asteroide B612 no que hai tres volcáns e unha rosa. Pasa os días coidando o seu planeta pero un día decide explorar outros mundos e visita varios planetas onde coñece diferentes personaxes. Un deses países é a Terra... Podedes lelo no enlace da esquerda, só tedes que ir pasando as páxinas. Disfrutade tamén das ilustracións do propio autor.

SOPA DE MARSOPA

2009-03-19T11:18:00.002+01:00

Na clase de Lingua Galega, en 5º curso, estamos lendo "Sopa de marsopa" con texto de Isabel Freire e ilustracións de Jon Puga. Ao redor da lectura estamos descubrindo un montón de cousas sobre a autora, o ilustrador e diferentes temas que van xurdindo na historia como as marsopas, detectives famosos, a Atlántida, os cíclopes, detalles sobre cine, as donosiñas, etc.Todo o estamos investigando! Pero sobre todo estamos disfrutando e compartindo a primeira aventura de Bilbo Bons. E ao mesmo tempo ímonos preparando para o gran día xa que está prevista a visita de Isabel Freire ao noso colexio.

Dicionario interactivo de Inglés

2009-03-17T18:33:00.001+01:00

Un novo recurso co que seguro que aprenderedes un montón de vocabulario en inglés.

E veña blogs!!

2009-03-15T18:57:00.000+01:00

Agora é Andrea Villa a que se mete no mundo dos blogs e faino para investigar sobre diferentes países, cidades, culturas... Eu de vós non lle perdería a pista porque esta rapaza ten moito que dicir. Parabéns, Andrea!

Coñecendo o teclado

2009-03-13T18:41:00.003+01:00

Andrea Castro atopou unha páxina na que podedes practicar co teclado e aprender a escribir utilizando todos os dedos. Só tedes que rexistrarvos coa vosa conta de correo e ir practicando pouco a pouco. Iso si, tedes que ser constantes, non mirar o teclado e seguir as instruccións. Nuns días notaredes como avanzades. Veña, moitos ánimos!

Tux Paint

2009-03-10T10:00:00.001+01:00

O Tux Paint é un programa de debuxo para rapaces e rapazas de 3 a 12 anos. Ten unha morea de posibilidades ademais de ser moi doado de utilizar. O primeiro que tedes que facer é descargalo no voso ordenador dende a páxina do enlace e logo non queda máis que poñerse a fedellar nel. Asegurádevos de que escolledes a opción axeitada para o voso sistema operativo (windows XP, Vista, linux, etc)

Feliz aniversario, Rebeca!

2009-03-09T10:47:00.002+01:00

Hoxe está de aniversario Rebeca, unha compañeira da clase. Cumple once anos. E por facer algo diferente se nos ocorreu facer unha foto dos da clase. Faltan algúns compañeir@s pero xa a repetiremos cando esteamos todos. Feliz aniversario, Rebeca!

A voltas co proxecto de biblioteca... Agora investigamos sobre a muller

2009-03-06T19:08:00.006+01:00

Ao redor do Día da Muller Traballadora, no noso cole fixéronse varias actividades. Esta mañá, os adultos que acompañaban aos rapaces e rapazas ao colexio atopábanse cun grupo de nenos e nenas de 6º que lles repartían o lazo da igualdade. Logo, en todas as clases andabamos a facer un traballo sobre unha muller do país que nos toca investigar. A aula de 5º fíxoo sobre Salomé Ureña de Henríquez, unha muller dominicana que, ademais de escribir poesía dende moi nova, foi a fundadora do primeiro centro de ensino superior na República Dominicana.

NOTA: Botade unha ollada á barra da dereita... Tedes algunhas cousiñas novas.

8 de marzo. Día Internacional da Muller Traballadora

2009-03-04T20:43:00.017+01:00

O vindeiro 8 de marzo conmemórase o Día Internacional da Muller Traballadora. Aínda que son moitos os avances no terreno da igualdade, queda moito por facer e é labor de todos, mulleres e homes. Para empezar as actividades ao redor deste día podedes ver o seguinte vídeo, "Binta y la gran idea" , no que unha rapaza senegalesa, Soda, loita polo seu dereito á educación. Ao mesmo tempo o pai de Binta, a rapaza que nos conta a historia, ten unha gran idea. Se queredes saber cal é, teredes que chegar ao final da curtametraxe.. Asegúrovos que é unha idea sorprendente, que nos fará dar volta ao pensamento. Non vola perdades!!

"Mar de estrelas"

2009-02-27T20:01:00.004+01:00

Espectacular viaxe submarina polas augas e fondos das rías galegas coma se se tratase dunha viaxe pola galaxia. A maioría das imaxes deste documental protagonizado por polbos, luras, chocos e outras especies, foron gravadas de noite. Outra xoia atopada en flocos.tv. Penso que paga a pena velo!

O traxe típico da República Dominicana

2009-02-17T20:31:00.007+01:00

Nestes días nos que todos estamos a pensar a mellor forma de disfrazarnos para ser alguén diferente durante un anaquiño é un bo momento para investigar sobre os vestidos noutros países, noutras culturas... De feito o lema do noso cole para este entroido é "Países do mundo" e tod@s andamos tolos pensando de qué país escoller o noso traxe: árabe, mexicano, hindú, indio... Hai tanto e tan bonito! Na República Dominicana, país de investigación da aula de 5º, tamén teñen un traxe representativo e podedes atopar información sobre éste e o seu creador picando no enlace.

Blog, blog, blog!

2009-02-15T18:00:00.000+01:00

Os rapaces e rapazas da nosa aula empézanse a animar a crear os seus propios blogs. Isto marcha! Xa sabíamos que Alex andaba a fedellar no seu "bloguin" e agora é Andrea Castro a que nos invita a visitar o seu, "Tic, tac, toc". Picade nas imaxes e non lles perdades a pista porque de seguro que atoparemos moitas sorpresas. Moitas felicidades e ánimos aos nosos galego-blogueiros!

Un conto de Saramago

2009-02-14T19:54:00.002+01:00

Outra marabilla das que podemos atopar en flocos.tv. Un precioso conto de Saramago, "A flor máis grande do mundo"

Procesador de textos en galego

2009-02-09T18:31:00.005+01:00

No enlace da imaxe podedes descargar o openoffice en galego no voso ordenador tal como falamos na clase. A instalación é gratuíta xa que se trata de software libre. De tódolos xeitos fixádevos ben nas instruccións e seleccionade o enlace axeitado para o sistema operativo do voso ordenador (linux, windows 98, 2000...). Unha vez instalado, probádeo e se tedes algunha dúbida tomade nota (xa o podedes facer en google.docs) para comentalo na clase. E... A escribir e crear historias!
Botade tamén unha ollada ao apartado "Aprender xogando", tedes un par de cousiñas novas.

30 de xaneiro. Día Escolar pola Non-violencia e a Paz.

2009-01-26T21:03:00.002+01:00

Ao redor deste día no cole estamos preparando unha chea de actividades das que iremos dando boa conta. Para aprender máis sobre esta data e por qué se escolleu para conmemorar este día traballamos coa webquest elaborada pola biblioteca do CEIP Mestre Martínez Alonso de Mos. Tamén podemos ver este vídeo sobre un poema de Celso Emilio Ferreiro, "Irmaus", musicado por Fuxan os Ventos.

Do graffitti á creación literaria

2009-01-19T20:17:00.003+01:00

Recordades que estivemos pedindo textos que explicasen a chegada dos alieníxenas ao patio do cole? Pois David envíanos este contiño para que o disfrutemos. Animádevos os demais!
Los Alienigenas Un Dia Normal y Corriente

Publish at Scribd or explore others: Academic Work engineering database

Arte en galego

2009-01-16T18:00:00.000+01:00

Enredando por outros blogs atópanse cousas marabillosas. Unha mágoa que o día non teña máis horas! Ademais hai moita variedade de temas: para xogar, para escoitar, para aprender... E ás veces xúntase todo nunha mesma cousa. Así sucede con este fantástico vídeo no que, a través de personaxes de plastilina, cóntasenos unha historia na que o galego é o principal protagonista. Está baseado nun conto de Frei Martín Sarmiento e os directores son Virginia Curiá e Tomás Conde. Atopeino nunha páxina tamén estupenda sobre o audiovisual galego, cunha morea de posibilidades, www.flocos.tv

A maxia das palabras

2009-01-14T18:00:00.000+01:00

Un vídeo precioso sobre a lingua, a comunicación... Atopeino no blog "Bicarelo". Disfrutádeo porque é unha pequena obra de arte.

Xa estamos de volta!

2009-01-12T20:40:00.007+01:00

Empezamos o novo ano con ilusión e ganas de aprender. Hoxe estivemos na aula de informática para crear a conta de gmail individual para cada un dos da clase pero tivemos algún problemiña técnico como ben nos conta Andrea, que xa "fixo os deberes" na casa e empeza a enviar cousiñas á conta do blog. Aquí vos deixo as súas palabras.

"Hoxe na aula de informatica a nosa profesora Natalia explicounos como
facer unha conta de correo en gmail. Eu xa tiña gmail, pero os meus compañeiras
non tiñan, e tiña que explicar o gmail; eu tiña que atender igual para saber como funciona. Na aula de informatica non nos ía a paxina de gmail para facer a conta, entón Natalia dixo: ¿que ten odenador con internet na casa? e os que tiveran facían desde a casa a conta porque a profesora explicou como se entraba e como se facia, para facela na casa. Ao final a ella funcionoulle o gmail, pero era demasiado tarde e era a hora do recreo. Vaia día que tivemos na aula de informática!" (Andrea Castro)

Paredes vivas!

2008-12-18T19:51:00.003+01:00

Xa rematou, polo de agora, a actividade do graffitti. As paredes semellan as páxinas dun conto... Que tal se vós poñedes as palabras? Quen son esas estrañas figuras no porche cuberto que nos saúdan polas mañás? Como chegaron todos estes personaxes ao noso cole? Que historia teñen? Mandade as vosas ideas á conta de correo do blog!

PARTICIPAMOS NO PROXECTO DA BIBLIOTECA

2008-12-14T14:15:00.003+01:00

O noso centro participa no Plan de Mellora de Bibliotecas Escolares 2008/09 para o que se presentou un proxecto no pasado mes de xuño. O proxecto titúlase "Dende a biblioteca a todas partes... E volta!" Entre outras moitas actividades promovidas pola Biblioteca do centro destaca a investigación que todas as aulas levan a cabo sobre os diferentes países e/ou culturas de procedencia de moitos dos alumnos e alumnas do cole: Etiopía, Alemaña, Mozambique, Italia, o pobo xitano, Venezuela, Rusia, Uruguai... A clase de 5º curso investiga sobre a República Dominicana, país no que naceu Dailin, un dos alumnos da clase. Estes días estamos investigando cómo celebran o Nadal por aquelas terras. Para ir coñecendo este país enreda polos enlaces e disfruta das imaxes.

... E seguimos grafiteando!

2008-12-05T22:53:00.006+01:00

As paredes do cole seguen cobrando vida. Agora os grafiteiros foron os rapaces e rapazas de 6º e 4º, dirixidos por Xan Eguia. Disfrutade das novas fotos e seguide pendentes porque isto aínda non rematou!
Ademais tedes un xogo novo no apartado "Para aprender xogando"; atopeino no blog "Cousas de primaria"

A ARTE DO GRAFFITTI

2008-12-02T18:02:00.012+01:00

Esta mañá comezamos unha actividade xa prevista hai semanas, "grafitear"algunhas paredes do colexio. Puxémonos en contacto coa Concellaría de Cultura, a través de Carmen Vilariño, que nos falou de Xan Eguia, un pintor que xa ten experiencia en traballar con rapaces e rapazas o tema do graffitti en diversos obradoiros. O interesante era que ía traballar cos nenos e nenas de forma que serían eles os protagonistas da actividade. A pesar do mal tempo decidimos "tirar para diante" e hoxe comezamos polas paredes do porche dianteiro. A emoción palpábase no ambiente. Comezou quinto curso que ao longo da mañá foi baixando dividido en grupos. Hoxe era un día de moito frío pero as ganas e a ilusión impedían que traspasara as nosas roupas. Todo foron sorrisos e bo facer. Grazas a Xan por facernos de guía e á Concellaría de Cultura pola súa colaboración neste proxecto. Mañá continuaremos dando vida ás paredes. Iso si, recordade que unha cousa é a arte e outra moi distinta o vandalismo. Botade unha ollada ás fotos

DÍA INTERNACIONAL CONTRA A VIOLENCIA DE XÉNERO

2008-11-25T09:00:00.004+01:00

DÍA DOS DEREITOS DOS NENOS E NENAS

2008-11-23T12:35:00.004+01:00

O pasado 20 de novembro conmemorouse o Día dos Dereitos dos Nenos e Nenas. Foi nesa data, en 1989, cando se firmou un tratado internacional sobre os dereitos da infancia. Todos os países que firmaron este tratado comprometéronse a defender, respectar e divulgar os dereitos dos nenos e das nenas. Para saber máis sobre este tema pincha na imaxe da esquerda. Tamén podedes ver este vídeo que atopei no blog de "Sereas sen cadeas" titulado "Todos merecen un lugar"

Para reflexionar

2008-11-19T21:51:00.003+01:00

NON CHAS QUERO, NON CHAS QUERO...

2008-11-19T20:50:00.005+01:00

...Isto foi o que non dixo ninguén no colexio o pasado luns cando chegou o castañeiro. Este curso, por primeira vez, as castañas asáronse "in situ" por dous profesionais que, ademais de facelo estupendamente, derrocharon amabilidade con todos os que nos achegabamos ao seu carriño.
Despois de fartarnos de castañas mentras escoitabamos música pasamos á sesión de xogos: carreiras de sacos, chapa-castañas, parchís, o pano, a culler... O tempo acompañounos e o sol brilou toda a mañá. Unha ledicia para tod@s! O ano que vén, máis!
E a vós... Que vos pareceu a actividade? Que foi o que máis vos gustou?

E vós... En que andades a enredar?

2008-11-16T00:39:00.003+01:00

Iniciamos aquí un novo camiño. Neste blog pretendemos dar a coñecer aqueles recursos que vaiamos atopando pola rede e que poidan contribuír ao noso traballo na aula. Aínda que a idea de crealo xorde da clase de lingua galega de 5º de Educación Primaria do CEIP Sanjurjo de Carricarte, non queremos nin debemos manternos á marxe de todas aquelas cousas que suceden ao noso redor, no cole, no barrio, na cidade e máis aló. Esperamos que se convirta nun espazo que desexedes visitar e no que vos guste enredar. ESTADES TOD@S CONVIDAD@S!